यशवंतराव चव्हाण मुक्त वसाहत योजनेअंतर्गत घरकुलांना निधी उपलब्ध करून द्या.आ. मनोहर चंद्रिकापुरे यांचे गृहनिर्माण मंत्री अतुल सावे यांना निवेदन

सारस न्यूज एक्सप्रेस सडक अर्जुनी

यशवंतराव चव्हाण मुक्त वसाहत योजनेअंतर्गत सन 2022 23 व 23 24 या वर्षातील वैयक्तिक घरकुल बांधकामाच्या प्रलंबित दायित्वाकरिता तसेच सन 2023 24 मधील 362 प्रस्तावना शासन स्तरावरून कार्योत्तर मान्यता व  निधी उपलब्ध करून देण्यात यावा  या करिता अर्जुनी मोरगाव विधानसभा क्षेत्राचे आमदार मनोहर चंद्रिकापुरे यांनी मुंबई मंत्रालयात गृहनिर्माण, इतर मागास बहुजन कल्याण मंत्री अतुल सावे त्यांना निवेदन सादर केले. व तात्काळ  घरकुलाच्या बांधकामासाठी निधी उपलब्ध करून देण्याची मागणी केली.

यशवंतराव चव्हाण मुक्त वसाहत योजनेअंतर्गत जिल्हास्तरीय समितीच्या सभेमध्ये प्रशासकीय मान्यता प्रदान केलेल्या गोंदिया जिल्ह्यातील सन 2022 23 व सन 2023-24  मधील वैयक्तिक घरांच्या बांधकामाच्या प्रस्तावना कार्योत्तर मान्यता व निधी वितरित करणे बाबत शासनास प्रस्ताव सादर करण्यात आलेला आहे त्यानुरूप शासन स्तरावरून सन 2022 23 मधील 552 प्रस्तावना कार्योत्तर मान्यता प्रदान करण्यात आली असून सदर प्रस्तावापैकी 266.896 लक्ष इतका निधी वितरित होणे शिल्लक आहे तसेच सन 2023 24 मधील 343 प्रस्तावांना कार्योत्तर मान्यता प्रदान करण्यात आली असून सदर प्रस्तावापैकी 247.736 लक्ष इतका निधी वितरित होणे शिल्लक असून  एकूण 515.632 लक्ष निधी तसेच  सन 2023 24 मधील वैयक्तिक घरकुल बांधकामाच्या  362 प्रस्तावना शासन स्तरावरून कार्योत्तर मान्यता व त्याकरिता  489 . 424 लक्ष रुपये , असे एकूण 1005 .056  लक्ष निधी वितरित करण्याबाबत संबंधित विभागाचे मंत्री अतुल सावे यांना अर्जुनी मोरगाव विधानसभा क्षेत्राचे आमदार मनोहर चंद्रिकापुरे यांनी  दि. 27 जून रोजी भेटून सदर योजनेअंतर्गत घरकुलाच्या बांधकामासाठी  निधी उपलब्ध करून देण्यासाठी निवेदन सादर केले.यावर मंत्री महोदय यांनी सकारात्मकता दर्शविली.